Publiká riba 28 Novèmber 2025
Willemstad – Dia 27 di novèmber, Ministerio di Tráfiko, Transporte i Planifikashon Urbano (VVRP) a organisá un training spesh pa funshonarionan nobo, enfoká riba e kódigo di kondukta di gobièrnu. E training aki tabata pa duna e empleadonan nobo konosementu di nan derecho, obligashon i responsabilidat komo funshonario di gobièrnu.
E kódigo di kondukta ta basá riba Landsverordening Materieel Ambtenarenrecht (LMA), kaminda tin establesé e norma i balornan fundamental pa komportashon profeshonal den servisio públiko. Durante e seshon, partisipantenan a risibí splíkashon prátiko riba diferente punto manera integridat, transparensia, obligashon di sekresia, i forma korekto di trata ku koleganan, i hopi otro aspekto importante.
E training aki a ser guiá pa fasilitadónan interno, ku previamente a wòrdú entrená pa Human Resources & Organisatie (HRO) pa por guia e seshonnan na un manera profeshonal i konsistente. Ku esaki, e ministerio ta garantisá ku konosementu importante ta keda den kas i ta ser transmití di forma sostenibel.
Atraves di ehèmpelnan prátiko, diskushonnan interaktivo i kasonan real, e funshonario noboa haña un mira kla di kon e kódigo di kondukta mester wòrdú apliká den nan trabou di tur dia.
Ku e training di introdukshon aki, VVRP ta sigui invertí den profeshonalisashon, integridat, transparensia, i un kultura laboral sigur den sektor públiko.
