Publiká riba 15 Mart 2026
Willemstad, Kòrsou – 12 di mart 2026, Minister Boekhoudt a reuní ku representantenan di Organisashon Panamerikano di Salú / Organisashon Mundial di Salú (PAHO/WHO) komo parti di un mishon ofisial pa Kòrsou ku e meta pa fortalesé e koperashon tékniko den salubridat públiko.
E delegashon di PAHO tabata bou di direkshon di Dr. Gabriel Vivas Francesconi, representante di PAHO/WHO pa Trinidad & Tobago i e partinan Karibense di Reino Hulandes, i tabata inkluí tambe Dr. Michelle Harris, konsehero pa Malesanan No Transmisibel (NCDs) i Salú Mental.
Durante e enkurentro ku Minister Boekhoudt, a trata varios reto klave den e sistema di kuido di Kòrsou, entre otro:
Minister Boekhoudt a enfatisá ku Gobièrnu di Kòrsou ta trahando riba reformanan pa hasi e sistema di kuido “future-proof”, manteniendo bon aksesibilidat i kalidat di kuido pa tur residente.
E delegashon di PAHO a reafirmá su boluntat pa sigui sostené Kòrsou den fortifikashon di su sistema di kuido médiko i mehorashon di salubridat públiko. Durante e bishita a trata tambe desaroyo di un Estrategia di Koperashon entre Paisnan (Country Cooperation Strategy) entre Kòrsou i PAHO, kual lo outorisá i profundisá e kolaborashon pa e próksimo añanan. Gobièrnu di Kòrsou ta antisipá un intensifikashon di e kolaborashon ku PAHO i WHO pa mehorá salú i bonestar di e pueblo di Kòrsou.