Minister Boekhoudt a Bishitá Wit Gele Kruis - Informashon tokante Gobièrnu di Kòrsou

Minister Boekhoudt a Bishitá Wit Gele Kruis

Salubridat Públiko, Medio Ambiente i Naturalesa
 

Minister Boekhoudt a Bishitá Wit Gele Kruis

Publiká riba 30 Aprel 2026

WILLEMSTAD – Den su trayekto di orientashon i konosementu ku sektor di salú, Minister di GMN, sr. Tyron Boekhoudt, a realisá un bishita di introdukshon na Stichting Wit Gele Kruis (WGK), ku meta di haña un bista mas profundo di e servisio esensialnan ku e organisashon aki ta ofresé.
Durante e bishita, minister Boekhoudt a haña informashon amplio tokante kuido na kas, kuido spesialisá, transporte di pashènt i e sosten ku WGK ta brinda na grandinan i otro gruponan ku tin nesesidat di kuido. A papia tambe ku e tim di maneho riba e manera ku e organisashon ta operá, e reto nan ku nan ta enfrentá i e oportunidatnan pa futuro.
E bishita aki ta forma parti di un proseso mas amplio kaminda e minister ta konosé diferente partnernan den sektor di kuido, ku e meta pa fortalesé kolaborashon entre nan i Gobièrnu di Kòrsou.