Publiká riba 20 Mei 2026
Willemstad – Djarason, 20 di mei 2026, Departamento di Reibeweis di Asuntunan Públiko (Kranshi), ta kuminsá hasi uzo di stampia i ‘leges’ digitalisá pa e produktonan ku ta regarda reibeweis. Esaki ku e meta pa alsa servisio na komunidat di Kòrsou i hasi ofisinanan gubernamental mas sigur i efisiente posibel.
Despues ku Kranshi a introdusí stampia i ‘leges’ digitalisá na aprel 2023, Kranshi lo introdusí e forma nobo di stampia digitalisá aki pa e sobrá produktonan di reibeweis. E stampia nan aki tambe lo wòrdu trahá i administrá ku e sistema digitalisá di kasa moderno ‘Key2Betalen’. Ku e sistema aki plakmentu di stampiá i leges riba dokumento otorgá pa Departamento di Reibeweis tambe lo pasa pa historia. E sistema lo prent e detayenan di e transakshon, inkluso e preis, riba e dokumento. Ku esaki lo minimalisá grandemente sensibilidat di fraude.
Ademas e sistema aki ta yuda manehá transakshonnan finansiero mas efisiente i sigur, ku posibilidatnan di rastrea e transakshonnan. E sistema lo wòrdu usá pa hasi tur pago pa produkto di reibeweis por ehèmpel:
E sistema nobo aki lo drenta na vigor for di 20 di mei 2026. Kranshi ta anunsiá ku dokumentonan kumprá promé ku día 20 di mei i ku tin stampia/leges di plak, lo keda bálido. Ta pidi tur Rijschool i kliente di Departamento di Reibeweis pa tene kuenta ku e kambionan ariba menshoná.
Durante di introdukshon di e sistema nobo, klientenan lo por eksperenshá un poko inkumbinensia na bali ora ta kumpra produkto di reibeweis. Ta pidi Rijscholen i públiko en general pa por fabor tene kuenta ku esaki.
