Publiká riba 22 Yüli 2026
Willemstad – Djárason, 22 di yüli 2026, Konseho di Minister a risibí un presentashon tokante e trayekto di ko-kreashon pa definí futuro di turismo sostenibel na Kòrsou, mará na e estudio di “Tourism Carrying Capacity”.
Durante e presentashon a para ketu na e trayekto ku Ministerio di Desaroyo Ekonómiko huntu ku Ofisina di Turismo (CTB) a inisiá resientemente i kon lo kana esaki den konsulta amplio ku tur partners i stakeholders enbolbí den e sektor di Turismo pero tambe tur otro sektor konektá ku desaroyo sostenibel di turismo na Kòrsou i naturalmente tambe nos komunidat.
Sr. Muryad de Bruin di Ofisina di Turismo, sra. Zulaika Mook, Direktor di Sektor di Desaroyo Ekonómiko i Inovashon i sr. Maharo Isenia komo eksperto lokal a duna e presentashon i a ser kompaña pa representantenan di MEO, CHATA, CARMABI i SELIKOR.
