Publiká riba 24 Ougùstùs 2026
Minister di GMN, Tyron Boekhoudt, ta presente mainta aki na un reunion konhunto ku personal di Curaçao Medical Center (CMC), direktiva i sindikato CBV.
E reunion ta sigui riba e diálogo entre e partidonan envolví i e palabrashonnan ku a wordu hasi dia 20 di ougùstùs.
For di su responsabilidat, Minister Boekhoudt a asumí un rol fasilitadó pa trese e partidonan envolví huntu i krea espasio pa un diálogo konstrukttivo. E meta semper tabata pa mantené diálogo habrí i traha huntu riba klaridat i solushon.
Durante e reunion di awe, personal di CMC ta haña informashon direktamente tokante e situashon aktual, e palabrashonnan ku a wordu hasi i e trayekto ku ta sigui pa e CAO.
Pa Minister Boekhoudt ta primordial ku e empleadonan haña klaridat i ku e partidonan sigui den diálogo ku otro, ku rèspèt pa responsabilidat di kada un, poniendo tantu interes di e empleadonan komo kontinuidat di kuido pa pueblo di Kòrsou sentral.
