Desishonnan di djárason 23 di sèptèmber 2026 - Informashon tokante Gobièrnu di Kòrsou

Desishonnan di djárason 23 di sèptèmber 2026

 

Desishonnan di djárason 23 di sèptèmber 2026

Publiká riba 25 Sèptèmber 2026

Desishonnan relashoná spesífikamente ku asuntunan di pais riba nivel nashonal di djárason, 23 di sèptèmber 2026:

1. Presentashon di un rapòrt di Ombudsman di Kòrsou titulá ‘Rapport inzake onderzoek naar de wijze waarop de overheid uitvoering geeft aan uitspraken van de ambtenarenrechter’ (Ministerio di Maneho di Gobernashon, Planifikashon i Servisio Públiko)

Konseho di Minister a tuma nota di e rapòrt di Ombudsman di Kòrsou, entregá pa Minister di Maneho di Gobernashon, Planifikashon i Servisio Públiko (BPD), titulá ‘Rapport inzake onderzoek naar de wijze waarop de overheid uitvoering geeft aan uitspraken van de ambtenarenrechter’. Ta manda un instrukshon pa e Sekretarionan-General di e ministerionan, huntu ku un petishon pa kada kuartal presentá e estado di asuntunan na Konseho di Minister.


2. Konsepto di akuerdo di maneho tokante maneho di e fasilidat deportivo konosí lokalmente komo ‘Vèlt di Quick 60’ entre Pais Kòrsou i e asosashon di Quick 60 (Ministerio di Enseñansa, Siensia, Kultura i Deporte)

Konseho di Minister ta bai di akuerdo ku e kontenido di e konsepto di akuerdo di maneho tokante maneho di e fasilidat deportivo konosí lokalmente komo: “Velt di Quick 60” entre Pais Kòrsou i e asosashon di Quick 60. Minister di Enseñansa, Siensia, Kultura i Deporte (OWCS) ta outorisá pa firma e konsepto di akuerdo di maneho akí na nòmber di entidat hurídiko públiko Kòrsou. Ta entregá e konsepto di Dekreto Nashonal na Gobernador pa firma.


3. Konsepto di akuerdo di maneho tokante maneho di e fasilidat deportivo na Seru di Fortuna konosí komo “Fortuna Plenchi” entre Pais Kòrsou i Fundashon Hobennan Positivo Ser’i Papaya (Ministerio di Enseñansa, Siensia, Kultura i Deporte)

Konseho di Minister ta bai di akuerdo ku e kontenido di e konsepto di akuerdo di maneho tokante maneho di e fasilidat deportivo na Seru di Fortuna, konosí komo “Fortuna Plenchi” entre Pais Kòrsou i Fundashon Hobennan Positivo Ser’i Papaya. Minister di Enseñansa, Siensia, Kultura i Deporte (OWCS) ta outorisá pa firma e konsepto di akuerdo di maneho akí na nòmber di entidat hurídiko públiko Kòrsou. Ta entregá e konsepto di Dekreto Nashonal na Gobernador pa firma.


4. Kambio di statüt modifiká di Stichting Materieel en Operationeel Beheer POLITUR Curaçao (Ministerio di Desaroyo Ekónomiko)

Konseho di Minister ta bai di akuerdo ku adopshon di e konsepto di statüt modifiká di “Stichting Materieel en Operationeel Beheer POLITUR Curaçao” di akuerdo ku konseho di ‘adviseur corporate governance’ Stichting Bureau Toezicht en Normering Overheidsentiteiten (SBTNO).


5. Instrukshonnan pa Konseho di Minister di Reino di dia 25 di sèptèmber 2026 (Ministerio di Asuntunan General)

Konseho di Minister a aprobá instrukshonnan na Minister Plenipotensiario pa reunion di Konseho di Minister di Reino di 25 di sèptèmber 2026. Esakinan ta relashoná ku:

E tratado riba servisionan aéreo entre Reino Hulandes, na benefisio di St. Maarten i Reino di Noruega.
E tratado riba servisionan aéreo entre Reino Hulandes, na benefisio di St. Maarten i Reino di Dinamarka
E tratado riba servisionan aéreo entre Reino Hulandes, na benefisio di St. Maarten i Reino di Suesia
E tratado riba asistensia atministrativo mutuo den asuntunan di duana entre Reino Hulandes i e Gobièrnu di e Repúblika di India.