Publiká riba 23 Òktober 2026
Desishonnan relashoná spesífikamente ku asuntunan di pais riba nivel nashonal di djárason, 21 di òktober 2026:
1. Plan di akshon pa e programa ‘Developing a Future Proof Organization (FPO)’ (Ministerio di Maneho di Gobernashon, Planifikashon i Servisio Públiko)
Konseho di Minister ta bai di akuerdo ku adopshon di e programa ‘Developing a Future Proof Organization (FPO)’. Tambe Konseho di Minister a tuma nota di e akuerdonan di finansiamentu ku ‘Tijdelijke Werkorganisatie’ pa e periodo te ku promé di aprel 2027 i ta bai di akuerdo ku Pais Kòrsou lo kubri un porshon di e gastunan pa struktura organisatorio i e sistema di klasifikashon di funshonnan den konsulta ku Ministerio di Finansa.
E Sekretarionan-General di Ministerio di Maneho di Gobernashon, Planifikashon i Servisio Públiko (BPD) i Ministerio di Finansa ta risibí instrukshon pa ehekutá e plan di akshon i pa kada kuartal informá esaki na Konseho di Minister.
2. Konsepto di Dekreto Nashonal ku ta aprobá traspaso di akshonnan di Centrale Hypotheekbank N.V. (Ministerio di Finansa)
Konseho di Minister ta bai di akuerdo ku kontenido di e konsepto di Dekreto Nashonal ku ta aprobá traspaso di akshonnan di Centrale Hypotheekbank N.V. Lo entregá e konsepto di e Dekreto Nashonal via Gobernador na Staten pa tratamentu.
3. Konsepto di ‘Memorandum of Understanding’ entre Aruba i Kòrsou tokante kooperashon riba tereno di asuntunan veterinario i importashon di karni di baka for di Colombia (Ministerio di Salubridat, Medio Ambiente i Naturalesa)
Konseho di Minister ta bai di akuerdo ku kontenido di e konsepto di ‘Memorandum of Understanding’ entre Aruba i Kòrsou tokante e plan di akshon i kooperashon mutuo den importashon di karni di baka for di Colombia. Ta outorisá Minister di Salubridat, Medio Ambiente i Naturalesa (GMN) pa firma e konsepto di e ‘Memorandum’ aki na nòmber di entidat hurídiko públiko Kòrsou.