Gobièrnu di Kòrsou
Prekario Karnaval: Fechanan di registrashon i pago di stèlazje i stènt
Publiká riba
30 Òktober 2026
Willemstad – Tim di Prekario 2027 na nòmber di Gobièrnu di Kòrsou, ta anunsiá ku trabounan di preparashon pa registrashon i pago pa prekario karnaval 2027 a kuminsá. Personanan ku tabatin un pèrmit di Prekario na 2026 i ku no a pèrdè esaki, por subi online via prekario.vvrp.cw pa registrá i hasi pago pa pèrmit di prekario 2027. Esaki ta posibel entrante djaluna 2 di novèmber.
Entrante 9 di novèmber proksimo, ofisina di prekario lo habri su portanan pa risibí kliente na World Trade Center Piscadera, den e ofisina di Prekario. Orario di ofisina lo ta di djaluna pa djabièrnè entre 9:00 a.m. pa 4:30 p.m.
Pa mas informashon i/òf pregunta, por tuma kontakto ku e tim di prekario na number di telefòn +59995121219 i/òf manda un e-mail na info.prekario@gobiernu.cw.
