Publiká riba 04 Novèmber 2026
WILLEMSTAD – Konseho di Minister, presidí pa Promé Minister Gilmar Pisas, a risibí bishita di Miss Teenage Curaçao 2026, Kymberly Jimenez, finalistanan di Miss Teenage Curacao 2026 i representantenan di QMQ Organization, e organisashon enkargá ku e sertámen. Durante di e bishita, nan a konta tokante nan plannan pa duna bèk na komunidat. Tambe nan a kombersá ku e ministernan tokante kon nan por aportá na desaroyo di Kòrsou.
Kymberly a splika ku e ke yuda hóbennan, spesialmente esnan den sentro di korekshon, pa nan prepará pa reintegrá den komunidat. Su inisiativa ta dirigí riba guia, desaroyo personal i konosementu práktiko, entre otro tokante kon kuminsá un negoshi propio.
Promé Minister Pisas a gradisí e missnan pa nan bishita i nan deseo pa yuda komunidat. El a enfatisá ku ta importante pa duna hóbennnan espasio pa kompartí nan ideanan i desaroyá nan mes komo lider. Alabes el a motivá nan pa sigui siña i usa nan título pa inspirá otro hóbennan i aportá na futuro di Kòrsou.