Presentashon di rapòrt preliminar tokante proseso di Rib’e Lugá ​​na Konseho di Minister - Informashon tokante Gobièrnu di Kòrsou

Notisia

 

Presentashon di rapòrt preliminar tokante proseso di Rib’e Lugá ​​na Konseho di Minister

Publiká riba 11 Novèmber 2026

Willemstad – Dia 11 di novèmber 2026, durante e reunion semanal di Konseho di Minister, a presentá e rapòrt preliminar tokante Rib’e Lugá, un proseso di registrashon i legalisashon ku a tuma lugá di 1 di mei te ku 31 di òktober 2026.

Durante e presentashon a duna splikashon tokante e resultadonan di e registrashonnan, e nashonalidatnan i kategorianan di edat di e personanan registrá, i e retonan identifiká. Tambe a elaborá riba kon e proseso lo sigui. Pronto lo kompartí mas informashon tokante e resultadonan di e trayekto, ku mas splikashon riba e puntonan prinsipal, e desaroyonan i e próksimo pasonan.

Ku e proyekto Rib’e Lugá, Gobièrnu a dal un paso importante pa haña un mihó bista riba e situashon di strañeronan indokumentá na Kòrsou ku e meta pa logra un maneho di migrashon integral.