Desishonnan di djárason 10 di aprel 2024

Desishonnan relashoná spesífikamente ku asuntunan di pais riba nivel nashonal di djárason, 10 di aprel 2024:

1. Instalashon di un “Plataforma Interministerial pa Agènda di Rekonstrukshon” (Herstelagenda Interministerieel Platform) (Minister di Enseñansa, Siensia, Kultura i Deporte)

Konseho di Minister ta di akuerdo ku e siguiente desishonnan:

1. Ministerio di Enseñansa, Siensia, Kultura i Deporte ta keda responsabel pa liderá i representá e trayekto di rekonstrukshon relashoná ku e konsekuenshanan di pasado pa motibu di esklabitut i kolonialismo.
2. Ta pidi Minister di Desaroyo Sosial, Labor i Bienestar, Minister di Salú, Medio Ambiente i Naturalesa i Minister di Enseñansa, Siensia, Kultura i Deporte pa kada un nombra dos (2) representante for di nan ministerio pa partisipá den e “Plataforma Interministerial pa Herensia”.
3. Di akuerdo ku kontenido di e dekreto nashonal den konsepto pa fundashon di e “Plataforma Interministerial pa Herensia”, ku lo bai tin enkuentronan regular pa traha riba un agènda di rekonstrukshon integral pa Kòrsou.
4. Ta informá Ministerio di Asuntunan Interno i Relashonnan den Reino (BZK) tokante e asuntunan akí.

E desishonnan akí ta basá riba e proposishon di Minister di Enseñansa, Siensia, Kultura i Deporte di 14 di mart 2024. Tambe ta bai di akuerdo pa presentá e dekreto nashonal den konsepto na Gobernador pa firma.

---

2. Aviso tokante asignashon di presuppuesto 2025 (Minister di Finansa)

Konseho di Minister ta di akuerdo ku e instrukshonnan di presupuesto pa aña 2025, inkluyendo e metanan i prinsipionan di maneho manera ta formulá den e dokumentu athunto. E desishon akí ta basá riba konseho di Direktor di Sektor di Maneho Finansiero i Maneho di Presuppuesto di 23 di mart 2024.

---

3. Proposishon pa kontesta riba preguntanan tokante e propuesta di revishon i korekshon di lei di belasting 2024 (Minister di Finansa)

Konseho di Minister ta di akuerdo ku kontenido i presentashon di e kontesta riba preguntanan tokante e propuesta di revishon i korekshon lei di belasting 2024, elaborá pa Direktorado di Lei i Asuntunan Hurídiko, pa entregá na Parlamento pa keda tratá. Esaki ta di akuerdo ku proposishon di Minister di Finansa interino di 2 di aprel 2024.

---

4. Protokòl di Kolaborashon entre Brantwer Kòrsou, Kuerpo Polisial di Kòrsou (KPC) i Curaçao Airport Partners (APC) (Minister di Hustisia)

Konseho di Minister ta di akuerdo ku e siguiente puntonan:

1. Kontenido di e protokòl di kolaborashon entre Brantwer Kòrsou, Curaçao Airport Partners i Kuerpo Polisial di Kòrsou.
2. Minister di Hustisia ta risibí outorisashon pa, na nòmber di Kòrsou, firma e protokòl di kolaborashon manera menshoná na punto 1.

Esaki ta di akuerdo ku proposishon di Minister di Hustisia interino di 3 di aprel 2024. Ademas ta bai di akuerdo pa entregá e protokòl di kolaborashon na Gobernador pa firma.

---

5. Akuerdo di Maneho entre Gobièrnu di Kòrsou i Fundashon Kas Popular (FKP) (Minister di Tráfiko, Transporte i Planifikashon Urbano)

Konseho di Minister ta di akuerdo ku e siguiente puntonan:

1. Kontenido di e akuerdo di maneho pa manehá kasnan di pueblo i otro kasnan den 2024 ku Fundashon Kas Popular (FKP).
2. Minister di Tráfiko, Transporte i Planifikashon Urbano ta risibí outorisashon pa, na nòmber di Gobièrnu di Kòrsou, firma e protokòl di maneho proponé manera menshoná na punto 1.

Tur esaki ta basá riba proposishon di e Minister di Tráfiko, Transporte i Planifikashon Urbano di 21 di mart 2024. Ademas ta  bai di akuerdo pa entregá e akuerdo di maneho na Gobernador pa firma.

---

6. Konseho tokante konsepto di lei pa enseñansa di fundeshi speshal (Minister di Enseñansa, Siensia, Kultura i Deporte)

Konseho di Minister ta di akuerdo ku e proposishon pa presentá e konsepto di lei pa enseñansa di fundeshi speshal na Parlamento. E proposishon akí lo ser entregá na Gobernador segun petishon di Minister di Enseñansa, Siensia, Kultura i Deporte riba 5 di aprel 2024, i konforme konseho di e Direktor di Direktorado di Lei i Asuntunan Hurídiko di 5 di yüli 2023.