Publiká riba 13 Febrüari 2026
Desishonnan relashoná spesífikamente ku asuntunan di pais riba nivel nashonal di djárason, 11 di febrüari 2026:
1. Plan di Desaroyo pa Direktorado di Suministrashon di Informashon i Digitalisashon (Ministerio di Maneho di Gobernashon, Planifikashon i Servisio Públiko)
Konseho di Minister a aprobá e prinsipionan di e plan di desaroyo pa e Direktorado di Suministrashon di Informashon i Digitalisashon (Directie Informatievoorziening en Digitalisering – DID) den Ministerio di Maneho di Gobernashon, Planifikashon i Servisio Públiko. Ta entregá e plan na e Komishon Nashonal di Reforma pa revishon. Ademas, lo sigui tuma e pasonan nesesario pa implementashon, kaminda ta tuma un Direktor DID/Chief Information Officer (CIO) den servisio, ta lanta un grupo di trabou i ta duna un reportahe periódiko di e progreso.
2. Reportahenan finansiero pa desèmber 2025 i e di kuater kuartal (Ministerio di Finansa)
Konseho di Minister a aprobá e relato di maneho finansiero pa desèmber 2025, inkluso e rapòrt di ehekushon pa e di kuater kuartal di 2025. Ta presentá ámbos dokumento na Gobernador i Parlamento. Tambe ta entregá e rapòrtnan serka Kolegio di Supervishon Finansiero (Cft) pa konseho.
