Publiká riba 13 Yüni 2025
Desishonnan relashoná spesífikamente ku asuntunan di pais riba nivel nashonal di djárason, 11 di yüni 2025:
1. Oumento di pago di vakashon pa ámtenar (Ministerio di Maneho di Gobernashon, Planifikashon i Servisio Públiko)
Dia 11 di yüni 2025, Konseho di Minister a aprobá un ahuste na e Reglamentu di Vakashon i Dispensashon di Servisio pa ámtenarnan. Esaki ta regardá un oumento di e pago di vakashon. Minister di Maneho di Gobernashon, Planifikashon i Servisio Públiko ta outorisá pa firma un konvenio tokante esaki na nòmber di Pais Kòrsou. E proposishon a keda entregá riba 5 di yüni 2025.
