Desishonnan di djárason 12 di mart 2025

Desishonnan relashoná spesífikamente ku asuntunan di pais riba nivel nashonal di djárason, 12 di mart 2025:

1. Proposishon pa oumentá plaka di fakansi pa ámtenar di 6% pa 8% (Minister di Maneho di Gobernashon, Planifikashon i Servisio Públiko)

Konseho di Minister a disidí na oumentá e plaka di fakansi pa ámtenar i dosentenan di 6% pa 8%. A tuma e desishon akí dia 27 di febrüari 2025, riba proposishon di Minister di Maneho di Gobernashon, Planifikashon i Servisio Públiko, i ta basá riba konseho di e Direktor Interino di e Organisashon di Maneho di Rekurso Humano i Desaroyo di Organisashon di 8 di mart 2024 i Direktor di Sektor di Maneho Finansiero i Maneho di Presupuesto di 11 di mart 2025.

2. Presentashon di e ‘Proseso Programa pa Personanan Indokumentá’ (Minister di Hustisia)

Konseho di Minister a tuma nota di e dokumento titulá ‘Proseso Programa pa Personanan Indokumentá’, presentá pa Minister di Hustisia dia 7 di mart 2024. E programa akí ta forma parti di e ‘Maneho di integrashon responsabel’ ku gobièrnu a lansa aña pasá. E ta ofresé personanan indokumentá e oportunidat pa apliká pa un pèrmit di estadia basá riba prinsipionan humanitario i ekonómiko.

3. Presentashon di plan di akshon 2024 pa kachónan peligroso (Minister di Hustisia)

Konseho di Minister a tuma nota di e plan ‘Kachónan peligroso 2024’, ku a keda presentá pa Minister di Hustisia dia 7 di mart 2024. E plan akí ta enfoká riba kombatí problema ku kachonan peligroso na Kòrsou. E plan nobo ta konstruí riba esfuersonan anterior i ta introdusí medidanan adishonal pa garantisá e seguridat i bienestar di tantu bestia komo residentenan.

4. Proposishon pa un akuerdo di maneho entre Pais i Fundashon Pro Deporte Sint Joris (Minister di Enseñansa, Siensia, Kultura i Deporte)

Konseho di Minister a bai di akuerdo ku e siguiente desishonnan:

1. Aprobashon di e akuerdo di maneho den konsepto ku Fundashon Pro Deporte Sint Joris pa maneho, mantenshon i eksplotashon di un tereno na Groot Sint Joris, destiná pa metanan multifunshonal deportivo i rekreativo.
2. Outorisashon na Minister di Enseñansa, Siensia, Kultura i Deporte pa firma e akuerdo di maneho ariba menshoná na nòmber di Pais Kòrsou huntu ku Minister di Tráfiko, Transporte i Planifikashon urbano.

E desishonnan aki a wòrdu tumá di akuerdo ku e proposishon di Minister di Enseñansa, Siensia, Kultura i Deporte fechá 19 di febrüari 2025. Tambe a keda aprobá pa entregá konsepto di e dekreto nashonal na Gobernador pa firma.

5. Proposishon pa un ‘Plan di akshon i ‘beslismemorandum’ pa kresementu aselerá di produkshon di agrikultura i bestia na Kòrsou’ (Minister di Salubridat Públiko, Medio Ambiente i Naturalesa)

Konseho di Minister a bai di akuerdo ku e siguiente desishonnan:

• Kontenido di e dokumento ‘Plan di akshon i ‘beslismemorandum’ pa kresementu aselerá di produkshon di agrikultura i bestia na Kòrsou’.
• Inisio di e proyekto di trabao y siñamento, inkluso e proyekto piloto riba tereno di AVB, manera deskribí den e dokumento.
• Implementashon di un evaluashon di kapasidat i un kampaña di konsientisashon di komunidat.
• E gastunan i impakto riba e presupuesto:
  • E akshonnan riba término kòrtiku na 2025 ta kalkulá na NAf 1.75 mion.
  • E montante akí lo wòrdu usá pa invershonnan den infrastruktura, supsidio i konstrukshon di kapasidat.
• Trahando un plan di maneho di vários aña pa e periodo 2026-2030.
• Kampaña di komunikashon “Di Mi Tera pa Mi Boka”.
• E presupuesto pidí pa Ministerio di Salurbidat Públiko, Medio Ambiente i Naturalesa en konekshon ku e proyekto pa kresementu aselerá di produkshon di agrikultura i di bestia, di akuerdo ku e konseho di Direktor di Sektor di Maneho Finansiero i Maneho di Presupuesto fechá 11 di mart 2025.

Tur esaki ta keda ehekutá a base di e proposicion di Minister di Salubridat Públiko, Medio Ambiente i Naturalesa i e memo di e Kotroladó Finansiero di mésun ministerio.

MAS NOTISIA