Publiká riba 14 Novèmber 2025
Desishonnan relashoná spesífikamente ku asuntunan di pais riba nivel nashonal di djárason, 12 di novèmber 2025:
1. Konklushonnan final riba Edukashon, Siensia i Kultura aprobá (Ministerio di Edukashon, Siensia, Kultura i Deporte)
Konseho di Minister a aprobá konsepto di e konklushonnan final riba enseñansa, siensia i kultura entre Kòrsou, Aruba, Sint Maarten i Hulanda. Minister di Enseñansa, Siensia, Kultura i Deporte ta outorisá pa firma e konklushonnan final na nòmber di Kòrsou.
2. Areglo mutuo “Formashon i profeshonalisashon konhunto di maestronan den formashon” (Ministerio di Enseñansa, Siensia, Kultura i Deporte)
Konseho di Minister a aprobá konsepto di e areglo mutuo entre Kòrsou, Aruba, Sint Maarten i Hulanda tokante un kolaborashon den formashon i profeshonalisashon di dosentenan den e parti Karibense di Reino. Minister di Enseñansa, Siensia, Kultura i Deporte ta outorisá pa firma e areglo akí.
3. Kolaborashon pa Weganan deportivo eskolar interinsular (Ministerio di Enseñansa, Siensia, Kultura i Deporte)
Konseho di Minister a aprobá firmamentu di un konsepto di e Memorando di Entendimiento entre Kòrsou, Aruba i Boneiru tokante organisashon di Weganan deportivo eskolar interinsular. E akuerdonan ta enfoká riba organisashon anual di e weganan, kolaborashon entre e islanan i promoshon di interkambio deportivo, edukativo i kultural bou di e hóbennan.
