Desishonnan di djárason 16 di òktober 2024

Desishonnan relashoná spesífikamente ku asuntunan di pais riba nivel nashonal di djárason, 16 di òktober 2024:

1. Konseho tokante e “Kuadro General pa Negoshashon di un Akuerdo Preferensial i Parsial di Komèrsio entre Reino Hulandes na nòmber di Kòrsou i Sürnam” (Minister di Desaroyo Ekonómiko)

Konseho di Minister a bai di akuerdo ku e siguiente puntonan:

1. Kontenido di e akuerdo den konsepto ku título “Kuadro General pa Negoshashon di un Akuerdo Preferensial i Parsial di Komèrsio entre Reino Hulandes na nòmber di Kòrsou i Repúblika di Sürnam.” Aaptashon di e akuerdo den konsepto ta sosodé a base di e komentarionan di Direktorado di Relashonnan Eksterior (DBB).
2. Minister di Desaroyo Ekonómiko ta haña outorisashon pa firma e vershon final adaptá di e akuerdo na nòmber di Kòrsou (komo persona hurídiko públiko).

Esakinan tur ta basá riba rekomendashon di e Direktor di Kolaborashon Ekonómiko Internashonal di dia 14 di òktober 2024. E Direktor di Kolaborashon Ekonómiko Internashonal lo adaptá e akuerdo den konsepto segun punto 1, i manda e fail pa Gobernador asina por firma e dekreto nashonal di autorisashon den konsepto.

MAS NOTISIA