Publiká riba 20 Yüni 2025
Desishonnan relashoná spesífikamente ku asuntunan di pais riba nivel nashonal di djárason, 18 di yüni 2025:
1. Ahuste di reglanan riba prima i kontribushon personal den kuido médiko (Ministerio di Finansa)
Konseho di Minister a trata e konsepto di dekreto nashonal tokante kambionan den e prima, límite di entrada, kontribushon personal i kompensashon pa seguro médiko básiko. Minister di Finansa a presentá e proposishon riba 9 di yüni 2025. Ta manda e konsepto pa Direktorado di Lei i Asuntunan Hurídiko pa risibí konseho.
2. Kambio proponé den lei di penshon pa ámtenar (Ministerio di Finansa)
Konseho di Minister a trata un proposishon pa kambio den e areglo di penshon pa ámtenar. Minister di Finansa a presentá e konsepto di lei akí riba 9 di yüni 2025, kual ta keda mandá awor pa Direktorado di Lei i Asuntunan Hurídiko pa risibí konseho.
