Desishonnan di djárason 19 di febrüari 2025

Desishonnan relashoná spesífikamente ku asuntunan di pais riba nivel nashonal di djárason, 19 di febrüari 2025:

1. Konseho riba konsepto di e ‘Omnibus-Sanctiebesluit Curaçao’ (Minister di Asuntunan General)

Konseho di Minister a disidí pa manda konsepto di e ‘Omnibus-Sanctiebesluit Curaçao’, ku ta implementá sanshonnan di akuerdo ku e Lei di Sanshonnan nashonal i e Lei di Sanshonnan, pa Hunta di Konseho (Raad van Advies) pa haña konseho, manera rekomendá dor di Direktor di Direktorado di Lei i Asuntunan Hurídiko riba 13 di desèmber 2024.

2. Konseho riba posishon di Komishon Sentral di Sindikatonan (CCvV) tokante e sirkulario riba e di 45 aniversario den servisio públiko (Minister di Maneho di Gobernashon, Planifikashon i Servisio Públiko)

Konseho di Minister a tuma e siguiente desishonnan:

1. Ta retirá e desishon di dia 15 di yüni 2022, kaminda entrante 1 di yanüari 2023 a introdusí un sirkulario den kuadro di risibí un gratifikashon na momentu ku un empleado tin 45 aña den servisio di Gobièrnu.
2. A aprobá kontenido di e sirkulario nobo “Richtlijnen toekennen gratificatie bij ambtsjubileum na 45 dienstjaren”.
3. E sirkulario nobo lo drenta na vigor di forma retroaktivo entrante promé di yanüari 2017.
4. Ta rechasá e petishon di Komishon Sentral di Sindikatonan (CCvV). E petishon akí tabata konserní otorgamentu di un gratifikashon di un luna di entrada kompletu na momentu di retiro (penshun) pa empleadonan ku:
   1. 35 pa ménos ku 40 aña di servisio.
   2. 40 pa ménos ku 45 aña di servisio.

E tuma e desishonnan akí a base di konseho di e Direktor Interino di e Organisashon di Maneho di Rekurso Humano i Desaroyo di Organisashon di 14 di febrüari 2025.

3. Konseho riba konsepto di e dekreto nashonal pa trese kambio den e Dekreto Nashonal riba e zona ekonómiko Koningsplein 2022 (Minister di Desaroyo Ekonómiko)

Konseho di Minister a aprobá konsepto di e dekreto nashonal pa trese kambio den e Dekreto Nashonal di Zona Ekonómiko Koningsplein 2022. E dekreto akí a keda entregá na Gobernador pa firma, di akuerdo ku konseho di Direktor di Direktorado di Lei i Asuntunan Hurídiko.

MAS NOTISIA