Desishonnan di djárason 19 di òktober 2022

Desishonnan relashoná spesífikamente ku asuntunan di pais riba nivel nashonal di djárason, 19 di òktober 2022:

1. Relashoná ku entradanan adishonal riba e impuesto di volúmen di benta pa aña 2022 i a base di e petishon di Ministerio di Desaroyo Ekonómiko pa kambionan den presupuesto pa asina hasi pagonan na Curaçao Tourism Development Foundation (CTDF) posibel, Konseho di Minister ta bai di akuerdo ku e siguiente puntonan:

1. 1. Ta outorisá minister di Desaroyo Ekonómiko i minister di Finansa pa – a base di akuerdo den konsepto pa loke ta trata palabrashonnan entre pais i CTDF – yega na palabrashonnan tokante finansiamentu di e gastunan mará na implementashon di e Masterplan di Turismo (2015-2020);
   2. Wardando aprobashon di Parlamento, CTDF ta risibí pago di e entradanan adishonal riba e impuesto di volúmen di benta pa aña 2022, a base di e kambio den presupuesto ku Ministerio di Desaroyo Ekonómiko a pidi pa hasi (aplikando artíkulo 47, insiso 3, di e ‘Landsverordening comptabiliteit 2010′).

Ministerio(nan) responsabel: Minister di Desaroyo Ekonómiko i Ministerio di Finansas.

_________________________________________________________________________________________________________________________

2. Konseho di Minister ta bai di akuerdo pa outorisá Minister di Desaroyo Ekonómiko pa – na nòmber di Kòrsou komo persona hurídiko públiko – firma e akuerdo di implementashon den konsepto relashoná ku desaroyo di Zakitó (fase 2) ku Curaçao Tourism Development Foundation (CTDF).

Ministerio(nan) responsabel: Minister di Desaroyo Ekonómiko.

_________________________________________________________________________________________________________________________

3. Konseho di Minister ta bai di akuerdo ku kontenido di e karta den konsepto konsipiá pa Sekretario di Konseho di Minister ku fecha 11 di òktober 2022 i dirigí na tur Sekretario General, Direktor di sektor’ i Direktor di maneho di gobièrnu, kaminda ta informá nan ku e último reunion di Konseho di Minister pa aña 2022 ta tuma lugá riba 14 di desèmber 2022 i e promé reunion pa aña 2023 ta tuma lugá riba 4 di yanüari 2023.

Ministerio(nan) responsabel: Minister di Asuntunan General.

_________________________________________________________________________________________________________________________

4. Konseho di Minister a tuma nota di e proposishon di Minister di Gobernashon, Planifikashon i Servisio Públiko tokante e fechanan di pago di salario na personal di gobièrnu pa aña 2023. Na e Direktor di Departamento di Maneho di Rekursonan Humano pa informá interno tokante esaki.

Ministerio(nan) responsabel: Minister di Gobernashon, Planifikashon i Servisio Públiko.

_________________________________________________________________________________________________________________________

5. Konseho di Minister ta bai di akuerdo pa outorisá e Abogado General di Kòrsou i St. Maarten i di Boneiru, St. Eustatius i Saba pa – na nòmber di Kòrsou komo persona hurídiko públiko – firma un akuerdo pa tempu indefiní ku sr. Navid Zahedi (abogado na Kòrsou) pa ofresé servisio hurídiko grátis na personanan di ménos rekurso. 

Ministerio(nan) responsabel: Minister di Hustisia.

_________________________________________________________________________________________________________________________

6. Konseho di Minister ta bai di akuerdo ku e siguiente puntonan:

1. 1. E ‘hoofdlijnenakkoord Sanering CMC-Entiteiten’;
   2. Outorisá Minister di Asuntunan General, Minister di Salubridat Públiko, Medio Ambiente i Naturalesa i Minister di Finansas pa – na nòmber di Kòrsou komo persona hurídiko públiko – firma e ‘Hoofdlijnenakkoord’;
   3. A base di esaki presentá e dekreto nashonal den konsepto na Gobernador pa firma.

Ministerio(nan) responsabel: Minister di Salubridat Públiko, Medio Ambiente i Naturalesa.