Desishonnan di djárason 20 di novèmber 2024

Desishonnan relashoná spesífikamente ku asuntunan di pais riba nivel nashonal di djárason, 20 di novèmber 2024:

1. Petishon pa ratifikashon di e tratado entre Reino Hulandes i Repúblika di Sürnam tokante di rekonosementu mutuo, ehekushon di desishonnan hurídiko i akta outéntiko den asuntunan sivil (Minister di Hustisia)

Konseho di Minister a bai di akuerdo ku e siguiente desishonnan:

1.  E tratado mama, un kombenio entre Reino Hulandes i Repúblika di Sürnam tokante rekonosementu mutuo i ehekushon di desishonnan hurídiko i aktanan outéntiko den asuntunan sivil (‘s-Gravenhage, 27 di ougùstùs 1976), ta konta tambe pa Pais Kòrsou.
2. Ta amplia e tratado pa Kòrsou, Aruba i Sint Maarten a base di un interkambio di nota entre Reino Hulandes i Repúblika di Sürnam (Paramaribo, 14 di yüli 2015), manera ta stipulá den artíkulo 15, insiso dos, di e tratado mama.
3. Direktorado di asuntunan eksterior (DBB) ta start e proseso di ratifikashon di e tratado mama i su ampliashon.

E desishon akí ta tumá a base di e proposishon di Minister di Hustisia di 18 di òktober 2024.

2. Konseho tokante stipulashon di salarionan adaptá pa 2019, 2020 i 2024 (Minister di Maneho di Gobernashon, Planifikashon i Servisio Públiko)

Konseho di Minister ta bai di akuerdo ku e siguiente desishonnan:

1. Stipulashon di indeksashon di salarionan agregá pa e añanan 2019, 2020 i 2024, manera ta mustrá den e tabèlnan den e aneksonan di e konseho di 15 di novèmber 2024. Ta trata di:

• Eskalanan di salario segun e dekreto nashonal salarial di 1998 (2011-2024);
• Bista general di salario i kompensashon pa funshonarionan polítiko ( 2010-2024)
• Salario di trahadónan di warda na Brantwer (2012-2024);
• Skalnan pa trahadónan den servisio militar obligatorio (2012-2024);
• Skalnan pa trahadónan di duana  (2011-2024);
• Skalnan salarial indeksá pa Fundashon Kuido di Ambulans (2013-2024);
• Salario di religiosonan (2011-2024);
• Bista general di salarionan den Sistema Penitensiario (2011-2024);
• Salarionan di ámtenarnan uniformá di Wardakosta (2011-2024);
• Skalnan pa Kuerpo Polisial (2014-2024);
• Skalnan pa VDC (2013-2024).

2. Ta pidi Minister di Maneho di Gobernashon, Planifikashon i Servisio Públiko (BPD) pa laga hasi un investigashon di diferensianan salarial entre religiosonan Katóliko-Romano di segundo rango i predikadónan di Komunidat Protestant di Kòrsou, di e Komunidat Hulandes-Portugues uní i e Komunidat Israelita Mikvé Israël-Emanuel. Lo retroalimentá e resultadonan di e investigashon na Konseho di Minister.

   E desishonnan akí ta tumá a base di e konseho di dia 15 di novèmber 2024 i e petishon di dia 17 di novèmber 2024 di Direktor suplente HRO i Minister di BPD.
   

   ---

3. Konseho tokante presentashon di e Dekreto Nashonal konseptual pa terminashon di redukshon di kondishonnan laboral na Staten (Minister di Maneho di Gobernashon, Planifikashon i Servisio Públiko)

Konseho di Minister ta bai di akuerdo ku kontenido di e Dekreto Nashonal konseptual presentá pa terminashon di redukshon di kondishonnan laboral. Esaki ta enserá ku artíkulo 9, promé insiso (promé frase), i insiso tres di e Dekreto Nashonal pa ku redukshon di kondishonnan laboral lo wòrdu eliminá.

Lo presentá e Dekreto Nashonal konseptual via di Gobernador na Staten pa tratamentu, konforme konseho di Direktor di Lei i Asuntunan Hurídiko (WJZ) di dia 19 di novèmber 2024 i e proposishon di Minister di Maneho di Gobernashon, Planifikashon i Servisio Públiko (BPD) di dia 19 di novèmber 2024.

4. Proposishon pa nota i modifikashon di e Dekreto Nashonal konseptual pa aprobashon di presupuesto di Kòrsou pa aña 2025 (Minister di Finansa)

Konseho di Minister ta bai di akuerdo ku kontenido i presentashon di e nota konseptual komo resultado di e relato i nota di modifikashonnan riba e Dekreto Nashonal konseptual pa presupuesto di Kòrsou pa aña 2025.

Ta presentá e dokumentonan na Parlamento di Kòrsou pa tratamentu konforme e proposishon di Minister suplente di Finansa di dia 19 di novèmber 2024.

.

MAS NOTISIA