Publiká riba 24 Mei 2024
Desishonnan relashoná spesífikamente ku asuntunan di pais riba nivel nashonal di djárason, 22 di mei 2024:
1. Akuerdo konseptual ku Collecte Localisation Satellites (CLS) pa Vessel Monitoring System (VMS) i e-logboek pa barkunan (Minister di desaroyo ekonómiko)
Konseho di minister ta bai di akuerdo ku e siguiente puntonan:
E desishon aki ta tumá a base di un petishon di Minister di Desaroyo Ekonómiko i konseho di Direktor Finansiero di e mes un ministerio. Ademas a duna aprobashon pa manda e dekreto konseptual na Gobernadó pa firma.
2. Entrega di karta di invitashon i “note verbale” di UNCTAD pa “The Global Supply Chain Forum” di 21 pa 24 di mei 2024 na Bridgetown, Barbados (Minister di Tráfiko, Transporte i Planifikashon Urbano)
Minister di Tráfiko, Transporte i Planifikashon Urbano (VVRP) a risibí riba 17 di mei 2024 un karta di invitashon i ‘note verbale’ di United Nations Conference on Trade and Development (UNCTAD). Konseho di Minister a tuma nota di e dokumentonan aki fechá 1 di febrüari 2024, ku ta bai tokante di “The Global Supply Chain Forum” ku ta tuma lugá di 21 pa 24 di mei 2024 na Bridgetown, Barbados.
3. Konseho tokante di e dekreto gubernamental konseptual pa ‘dwangsommen’ i multanan atministrativo pa institushonnan di invershon i atministradónan (Minister di Finansa)
Konseho di Minister ta bai di akuerdo ku e dekreto gubernamental konseptual tokante di ‘dwangsommen’ i multanan atministrativo pa institushonnan di invershon i atministradónan. Ta entrega e dekreto aki na Gobernadó pa firma, segun konseho di Direktor pa Legislashon i Kasonan Hurídiko (WJZ) di 17 di mei 2024.
4. Konseho tokante dekreto gubernamental- konseptual pa ‘dwangsommen i multanan atministrativo pa kantornan di trust (Minister di Finansa)
Konseho di Minister a bai di akuerdo ku e dekreto gubernamental- konseptual tokante di ‘dwangsommen’ i multanan atministrativo pa kantornan di trust. Ta entregá e dekreto aki na Gobernadó pa firma, segun konseho di Direktor pa Legislashon i Kasonan Hurídiko (WJZ) di 17 di mei 2024.