Publiká riba 25 Ougùstùs 2023
Desishonnan relashoná spesífikamente ku asuntunan di pais riba nivel nashonal di djárason, 23 di ougùstùs 2023:
1. Petishon di dia 18 di ougùstùs 2023 relashoná ku dos dekreto nashonal pa pone den práktika artíkulo 3bis di e Lei di Loteria (Minister di Finansa)
Konseho di Minister ta bai di akuerdo ku e proposishon pa manda dos dekreto nashonal Hunta di Konseho pa haña konseho. E dekretonan akí ta pa tuma medida den sektor di loteria na Kòrsou, segun e “Mutual Evaluation” ku lo tuma lugá na 2024. Esaki ta importante pa redusí e perfil di riesgu di e sektor di loteria. Esaki ta konforme petishon di Minister di Finansa riba 21 di ougùstùs 2023 i e karta ku a bini di mésun minister di dia 23 di ougùstùs 2023.
2. Petishon di dia 21 di ougùstùs 2023 pa e konsepto di lei tokante kuenta di pago básiko (Ministro di Finansa)
Konseho di Minister ta bai di akuerdo ku e proposishon pa manda e konsepto di lei tokante kuenta di pago básiko pa konsumidó na Hunta di Konseho pa haña konseho. E proposishon akí ta bini di Minister di Finansa i ta nesesario pa prepará pa un evaluashon importante ku lo tuma lugá na 2024 tokante prevenshon di labamentu di plaka i finansiamentu di dje. E lei nobo lo yuda den e esfuersonan hasí pa ku esaki.
