Desishonnan di djárason 24 di ougùstùs 2022

Desishonnan relashoná spesífikamente ku asuntunan di pais riba nivel nashonal di djárason, 24 di ougùstùs 2022:

1.Konseho di Minister a bai di akuerdo pa dokumentá e desishon di gerensia interino di Refineria di Kòrsou tokante e di 5 transh di pago di redundansia na (èks-) trahadónan di Isla.

Pa mas informashon tuma kontakto ku ministerio di Asuntunan General.

____________________________________________________________________________

2. Konseho di Minister a bai di akuerdo ku e dos konsehonan di Direktor di Direktorado di Relashonnan Eksterior relashoná ku dunamentu di instrukshon na Minister Plenipontensiario pa aprobá ku tantu Repúblika di Senegal komo Repúblika Islamita di Pakistan bira parti di e Tratado pa eliminá aktanan públiko di eksterior ku obligatoriamente mester legalisá. Minister Plenipotensiario mester trese e punto di bista akí di Gobièrnu di Kòrsou na Departamento di Tratadonan di Ministerio di Asuntunan Eksterior.  

Pa mas informashon tuma kontakto ku ministerio di Asuntunan General.

______________________________________________________________________________

3. A bai di akuerdo ku e dekreto nashonal den konsepto pa lanta un komishon enkargá ku e problemátiko di debe aki na Kòrsou, ku mester bai duna konseho na Minister di Asuntunan General, Minister di Tráfiko, Transporte i Planifikashon Urbano, Minister di Desaroyo Sosial, Labor i Bienestar i Minister di Finansa tokante posibel solushonnan pa Kòrsou tin ménos debe. Tambe a disidí pa presentá e dekreto nashonal den konsepto akí na Gobernador di Kòrsou.

Pa mas informashon tuma kontakto ku ministerio di Finansa.

____________________________________________________________________________

4. A bai di akuerdo pa lanta un grupo di direkshon i di trabou “Motorrijtuigenbelastingverordening” ku mester yuda e Minister di Finansa i Minister di Tráfiko, Transporte i Planifikashon Urbano ku:

• konseho tokante ‘Motorrijtuigenbelastingverordening’;
• bini ku proposishonnan kon finansiá e maneho i mantenshon di kareteranan;  
• bini ku proposishonnan kon pa strukturalmente atendé e maneho i mantenshon di kareteranan riba tereno gubernamental.

Pa mas informashon tuma kontakto ku ministerio di Finansa.

MAS NOTISIA