Publiká riba 26 Yanüari 2024
Desishonnan relashoná spesífikamente ku asuntunan di pais riba nivel nashonal di djárason, 24 di yanüari 2024:
1. Konseho tokante diseño di reglamentu Ominibus-Sanctie Curaçao (Minister di Asuntunan General)
Konseho di minister ta bai di akuerdo ku kontenido i e meta di reglamentu ministerial presentá, ku e Lei di sanshon di Reino i di algun artíkulo di e ‘Sanctielandsverordening ta ehekutá (Omnibus-Sanctieregeling Curaçao). Aki ta nota ku:
E desishon aki ta tumá di akuerdo ku konseho mutuo di Direktor di Legislashon i Asuntunan Hurídiko i Direktor di Relashonnan Eksterior (DBB) di 1 di desèmber 2023 i e konseho di Direktor di sektor pa Maneho Finansiero i di Presupuesto di 11 di yanüari 2024.
2. Petishon pa ahuste di Gevangenismaatregel 1999 (Minister di Hustisia)
Konseho di Minister ta bai di akuerdo ku e petishon pa presentá ahustenan den e ‘Gevangenismaatregel 1999’ na Konseho di Konsulta (Raad van Advies). E desishon aki ta basá riba e petishon di Minister di Hustisia i ta keda sostené pa konsehonan tantu di Direktor di Legislashon i Asuntunan Hurídiko komo Direktor di Sektor pa maneho finansiero i di presupuesto. Ta presentá awor e ‘ontwerplandsbesluit’ na Gobernadó pa evaluashon i konseho.
3. Petishon pa un akuerdo di kolaborashon entre Kòrsou i Sint Maarten pa estudionan Polisial i di Seguridat (Minister di Hustisia)
Konseho di Minister ta bai di akuerdo ku registrashon ofisial di e desishon di Konseho di Minister di 18 di yanüari 2024, na unda ku ta outorisá Minister di Hustisia pa na nòmber di Kòrsou firma e akuerdo di kolaborashon huntu ku Minister di Hustisia di Sint Maarten. E akuerdo aki ta trata e kolaborashon ku ‘Opleidingsinstituut Rechtshandhaving en Veiligheidszorg (ORV) i e ‘Law Enforcement Institute’ Sint-Maarten (LEIS) pa ofresementu di kursonan i módulo nan di estudio. Banda di esei Konseho di Minister a bai di akuerdo pa manda e ‘concept-landsbesluit’ nan korespondiente na Gobernadó pa firma.
4. Petishon pa fecha di Elekshon di Staten 2025 di e presidente di Konseho Supremo elektoral. (Minister di maneho, planifikashon i servisio públiko)
Konseho di Minister a tuma nota di karta di e Presidente di Konseho Supremo Elektoral fechá 18 di yanüari 2024, tokante Elekshon di Staten pa 2025. Konseho di Minister di bai di akuerdo ku e fecha proponé di e elekshon aki ku lo tuma lugá dia 21 di mart 2025. Tambe e fiha e fecha pa entrega di lista di kandidatonan ku lo ta dia 23 di yanüari 2025. E Direktorado di Legislashon i asuntunan Hurídiko (WZJ) a risibí e enkargo pa krea un ‘ontwerpbesluit’ pa esaki.
5. Petishon pa e ‘Landsverordering’ pa ahuste di kondishonnan laboral. (Minister di maneho, planifikashon i servisio Públiko)
Konseho di minister ta bai di akuerdo pa evaluá e ‘ontwerlandsverordening’ pa regla e ahuste di kondishonnan laboral den e ‘Georganiseerd Overleg in Ambtenarenzaken’ E desishon aki ta sigui e petishon di 22 di yanüari 2024 di Minister di Maneho, Planifikashon i Servisio Públiko.
6. Konseho di 22 di yanüari 2024 tokante e agènda di ehekushon pa e ‘Landspaket Curaçao, Q4 2023’ (Minister di Asuntunan General)
Nos a bai di akuerdo ku e plannan manera ta deskribí den e agènda di ehekushon pa e último kuartal di 2023, ku ta forma parti di e ‘Landspaket’. Lo determiná e plannan aki den e konsulta entre Minister di Asuntunan General i Sekretario di Estado di Asuntunan Interno i relashonnan di Reino. E desishon aki ta tumá a base di e konseho di Presidente di Komishon pa Reforma Nashonal, duná riba 22 di yanüari 2024.