Desishonnan di djárason 25 di yüni 2025

Desishonnan relashoná spesífikamente ku asuntunan di pais riba nivel nashonal di djárason, 25 di yüni 2025:

1. Proposishon pa oumento di pago di fakansi na ámtenarnan serka Hunta di Konseho (Ministerio di Maneho di Gobernashon, Planifikashon i Servisio Públiko)

Konseho di Minister a aprobá e dekreto nashonal den konsepto pa oumento di pago di fakansi na ámtenar. E proposishon lo wòrdu entregá na Hunta di Konseho pa medio di Gobernador. E konseho di e Direktor di Direktorado di Lei i Asuntunan Hurídiko a wòrdu inkluí den e desishon akí.

2. Aprobashon di kambio na e reglamentu internashonal di salú (Ministerio di Asuntunan General & Ministerio di Salubridat Públiko, Medio Ambiente i Naturalesa)

Konseho di Minister a aprobá e kontestanan riba preguntanan di Parlamento di Kòrsou tokante kambio di e Reglamentu Internashonal di Salú (Genebra, 2005). E kontestanan lo wòrdu prosesá mas aleu via Ministerio di Asuntunan Eksterior.

3. Determinashon di profil di miembronan di Konseho di Petroli a keda establesé (Ministerio di Asuntunan General)

Konseho di Minister a aprobá konsepto di e dekreto nashonal modifiká tokante e rekisitonan i profil di e miembronan di Konseho di Petroli. E desishon lo wòrdu entregá pa firma via Gobernador.

4. Aprobashon di e lei pa mihó partisipashon laboral di hóbennan (Ministerio di SOAW, Finansa i Asuntunan General)

Konseho di Minister a aprobá e inisiativa di lei ku ta stimulá partisipashon di hóben i hóben adulto den e merkado laboral. A tuma desishon tambe riba fecha ku e lei ta drenta na vigor. Ta tene kuenta ku puntonan di atenshon fiskal ku a keda menshoná anteriormente dor di Hunta di Konseho.

5. Kontratá trahadónan durante fakansi grandi (Ministerio di Maneho di Gobernashon, Planifikashon i Servisio Públiko)

Konseho di Minister a aprobá e kontratashon temporal di trahadónan (vakantiekrachten) pa un máksimo di tres siman durante fakansi grandi 2025. Ta apliká e siguiente montantenan komo kompensashon fiho:

• ƒ201 pa siman pa studiantenan di AGO i VSBO
• ƒ225 pa siman pa studiantenan di HAVO, VWO, SBO, MTS, HBO i WO.

E kondishon ta ku tin sufisiente fondo disponibel riba presupuesto.

MAS NOTISIA