Publiká riba 29 Ougùstùs 2025
Desishonnan relashoná spesífikamente ku asuntunan di pais riba nivel nashonal di djárason, 27 di ougùstùs 2025:
1. Presupuesto aloká pa limpiesa di tereno i mudansa di Fundashon Dog Curaçao (Ministerio di Salubridat Públiko, Medio Ambiente i Naturalesa)
Konseho di Minister a aprobá un adaptashon di presupuesto pa limpiesa di un tereno i mudansa di Fundashon Dog Curaçao.
2. Karta tokante aprobashon ofisial pa partisipashon den e areglo di BMKB ACS (Ministerio di Desaroyo Ekonómiko)
Konseho di Minister a tuma nota di e karta di Minister di Desaroyo Ekonómiko na Sekretario di Estado di Asuntunan Interior i Relashonnan den Reino tokante aprobashon pa partisipashon den e areglo di supsidio Garantia di Krédito MKB Aruba, Kòrsou i St. Maarten (BMKB ACS). E areglo akí ta yuda empresanan chikí i mediano haña finansiamentu mas fásil.
