Publiká riba 06 Febrüari 2026
Desishonnan relashoná spesífikamente ku asuntunan di pais riba nivel nashonal di djárason, 4 di febrüari 2026:
1. Skema di Reunion 2026 di Konseho di Konsulta (Ministerio di Asuntunan General)
Konseho di Minister a tuma nota di e skema di reunion di Konseho di Konsulta pa 2026.
2. Supsidio pa Fundashon Alton Paas (Ministerio di Salubridat, Medio Ambiente i Naturalesa)
Konseho di Minister a aprobá un kambio den presupuesto den kuadro di duna supsidio na Fundashon Alton Paas.
3. Hür di e di dos piso di edifisio APC (Ministerio di Salubridat, Medio Ambiente i Naturalesa)
Konseho di Minister a aprobá e petishon tokante hür di e di dos piso di e edifisio di APC dor di Ministerio di Salubridat, Medio Ambiente i Naturalesa. Tambe a indiká ku den futuro, promé ku tuma kualke obligashon finansiero, mester haña outorisashon promé di Ministerio di Finansa.
