Desishonnan di djárason 4 di sèptèmber 2024

Desishonnan relashoná spesífikamente ku asuntunan di pais riba nivel nashonal di djárason, 4 di sèptèmber 2024:

1. Petishon pa un akuerdo ku Curaçao Airport Partners N.V. pa duna sosten den forma di asistensia finansiero na skol di Fundeshi Elis Juliana-Sheila Karel (Minister di Enseñansa, Siensia, Kultura i Deporte)

Konseho di Minister ta di akuerdo ku e siguiente desishonnan:

1. Ta aprobá kontenido di e akuerdo den konsepto entre Kòrsou (komo persona hurídiko públiko) i Curaçao Airport Partners N.V. (CAP) pa asistensia finansiero na skol di Fundeshi Elis Juliana-Sheila Karel.
2. Minister di Enseñansa, Siensia, Kultura i Deporte ta haña outoridat pa firma e akuerdo na nòmber di Kòrsou.

E desishon akí ta basá riba petishon di e Minister di OWCS di dia 26 di ougùstùs 2024. Ademas, Konseho di Minister ta bai di akuerdo pa presentá e dekreto nashonal den konsepto na Gobernador pa firma.

MAS NOTISIA