Publiká riba 07 Novèmber 2025
Desishonnan relashoná spesífikamente ku asuntunan di pais riba nivel nashonal di djárason, 5 di novèmber 2025:
1. Presentashon di dokumento ‘Risico-en Crisiscommunicatieplan 2025-2030’ (Ministerio di Asuntunan General)
Konseho di Minister a aprobá e kontenido di e dokumento titulá ‘Risico-en Crisiscommunicatieplan 2025-2030’ prepará pa Direktorado di Komunikashon i Informashon (C&V) di e Ministerio di Asuntunan General.
E meta di Plan di Komunikashon di Riesgo i Krísis ta pa, promé ku Kòrsou ta mei mei di un riesgo òf kalamidat, prepará komunidat mas mihó ku ta posibel pa (eventual) situashonnan ku tin un impakto grandi riba partinan di nos komunidat òf komunidat kompleto. Esaki konforme e “Risicoprofiel 2023-2028” di e Direktorado di Kòntrol di Riesgo i Maneho pa Kalamidat (DRR), kaminda no ménos ku 35 tipo di krísis a ser identifiká ku Kòrsou mester tene kuenta kuné.
