Publiká riba 07 Òktober 2022
Desishonnan relashoná spesífikamente ku asuntunan di pais riba nivel nashonal di djárason, 5 di òktober 2022:
1. Konseho di Minister ta bai di akuerdo pa ratifiká e desishon ku a tuma riba 29 di sèptèmber 2022 den kuadro di instrukshonnan ku a duna na Minister Plenipotensiario, relashoná ku e sosten di likides pa e di 4 kuartal i progreso di reformanan ku a keda tratá durante e reunion di Konseho di Minister di Reino riba 30 di sèptèmber último.
Pa mas informashon tuma kontakto ku Ministerio di Asuntunan General.
________________________________________________________________________________________________________________________
2. Konseho di Minister ta bai di akuerdo ku kontenido di e konsepto di lei aprobá pa trese kambio den e lei di “Algemene Rekenkamer Curaçao (ARC)” i pa presentá esaki na Gobernador pa firma.
Pa mas informashon tuma kontakto ku Ministerio di Asuntunan General.
________________________________________________________________________________________________________________________
3. Konseho di Minister ta bai di akuerdo ku proposishon di e Komishon Kondekorashon Real pa duna 14 persona postulá, e Kondekorashon Real pa aña 2022.
Pa mas informashon tuma kontakto ku Ministerio di Asuntunan General.
________________________________________________________________________________________________________________________
4. Konseho di Minister a tuma nota di resultado di e trayekto partisipativo pa yega na un emblema nashonal nobo pa Kòrsou i seguidamente a bai di akuerdo ku e konsepto presentá pa e Komishon Emblema Nashonal Kòrsou.
Pa mas informashon tuma kontakto ku Ministerio di Asuntunan General i Ministerio di Enseñansa, Siensia, Kultura i Deporte.
________________________________________________________________________________________________________________________
5. Riba petishon di Minister di Maneho di Gobernashon, Planifikashon i Servisio Públiko, Konseho di Minister a bai di akuerdo pa poulatinamente eliminá e redukshon di 12,5% riba kondishonnan laboral di ámtenar, bou di kondishon ku no tin opheshon pa pone riba papel dos punto ku sindikato a proponé:
Pa mas informashon tuma kontakto ku Ministerio di Maneho di Gobernashon, Planifikashon i Servisio Públiko.