Desishonnan di djárason 8 di mei 2024

Desishonnan relashoná spesífikamente ku asuntunan di pais riba nivel nashonal di djárason, 8 di mei 2024:

1. Karta tokante seshon di reflekshon na SOAB relashoná ku e Nationale Export Strategie (NES) (Minister di desaroyo ekonómiko)

Konseho di minister a tuma nota di e karta di Minister di Desaroyo Ekonómiko fechá 17 di aprel 2024 tokante e seshon di reflekshon na SOAB relashoná ku e Nationale Export Strategie (NES).

2. Proposishon tokante kolaborashon na fabor di derechonan di mucha entre Kòrsou i UNICEF (Minister di Hustisia)

Konseho di Minister ta bai di akuerdo ku ku e siguiente puntonan:

1. Kontenido di e Memorandum di Entendimentu- konseptual entre Pais Kòrsou i Stichting Nederlandse Comite UNICEF pa kolaborashon na fabor di derechonan di mucha riba e isla.
2. Kontenido di e dekreto gubernamental- konseptual pa apoderá Minister di Hustisia pa na nòmber di Kòrsou firma e Memorandum – konseptual.

Esaki ta di akuerdo ku e proposishon di 24 di aprel 2024 di Minister di Hustisia. Ademas ta bai di akuerdo pa entrega di e dekreto gubernamental konseptual na Gobernador pa firma.

 3. Konseho tokante di e dekreto gubernamental konseptual pa registrashon di UBO (Minister di Finansa)

Konseho di Minister ta bai di akuerdo ku entrega di e dekreto gubernamental konseptual adaptá pa registrashon di UBO na Konseho di Konsulta (Raad van Advies) pa konseho urgente. Lo puntra Raad, konseho tokante di e derechi pa kontrolá (inzagerecht) i e posibilidat pa restringí e derechi aki pa medio di un demanda di interes legítimo. Esaki ta basá riba e petishon di Minister di Finansa di 5 di mei 2024 i e konseho di Direktor Legislativo i di Kasonan Hurídiko di 6 di mei 2024.

MAS NOTISIA