Publiká riba 31 Òktober 2023
WILLEMSTAD – Resientemente 33 personal di Sentro di Detenshon i Korekshon Kòrsou, a risibínan diploma komo bedrijfshulpverlener “BHV” pa prizòn. Esaki a sosodé despues di a terminá e kurso ku eksito. E kurso akí tabata bou di kordinashon di Intergrated Security Consepts i tabata enserá EHBO, kon pa aktua durante kalamidat i tambe kon pa paga kandela i hopi mas. Tur Kursista mester a pasa e parti theoretiko i tambe praktiko ku a bin terminá ku un éksamen.
Durante seremonia di entrega di diploma, a hiba palabra señor Howard Boelijn komo kordinado di BHV na SDKK, direktor interino di prizòn señor Richenald Ricardo, señor Renato Vieira Pita representante di Intergrated Security Consepts i tambe señor Ed Gosman Adviseur Bedrijfsvoering Opleidingsinstituut DJI for di Hulanda.
Gerensia ta sumamente satifecho ku e resultado di kurso aki i ta sigur si presentá un kalamidat òf un situashon di peliger den e instituto, nos tin personal sertifiká pa aktua.
