Willemstad: resientemente 7 personal di SDKK a rekordá i selebrá e echo ku 35 aña pasa nan a drenta servisio di gobièrnu. Ta trata di sr. Harvey Martina, sr. Carl Benita, Sra. Cheryl Arrundell, Sra. Julliene Daal, sr. Richene Pinedo, sr. Prisio Maria i sr. Ludwin Maria.
Den un ambiente ameno Gerensia di SDKK huntu ku e hubilarionan a selebrá i komparti nan eksperensia di 35 aña di servisio na prizòn.
Tambe na e okashon aki nan a risibí nan pin di 35 aña di servisio i tambe e sertifikadó di rekonosementu pa nan labor presta.
Gerensia i personal di SDKK ta deseá e 7 koleganan di prizòn tur klase di éksito i ku nan sigui hasi e bon trabou.
