98% kumplimentu ekonómiko durante kontrol den marcha hubenil
Publiká riba
09 Febrüari 2026
Durante Marcha Hubenil, día 8 febrüari 2026, Inspekshon di
Ministerio di Desaroyo Ekonómiko huntu ku personal di Departamentu di Prevenshon di Brandweer Curaçao a realisá un total di 56 kòntròl riba ruta di Marcha Hubenil 2026.
Kòntròl a keda realisá riba 40 Standplaats, 10 Vent i 6 Horeca.
Resultado:
Solamente un standplaats na e altura di Hanchi Polar (achter) no tabata disponé di un pèrmit ekonómiko i konsekuentemente esaki su operashon a wòrdu pará.
Inspekshon Ekonómiko ta sumamente satisfecho kon práktikamente tur hende/instansia tabata den kumplimentu pa lokual ta trata kontrol ekonómiko i seguridat kontra kandela di parti di Brandweer Curaçao.
Ministerio konserní:
Desaroyo Ekonómiko
