WILLEMSTAD – A trese un kantidat di kambio den e struktura i kondishonnan pa por apliká na e medida di NOW. Sinembargo, a resultá ku prinsipalmente e kontribushon di empleado di 20% i e informashon adishonal ku mester entregá, a trese un kantidat di aplikante den pèrta pa loke ta trata tempu.
Pa e motibu aki a disidí di ekstendé e periodo di aplikashon pa e supsidio di salario pa luna di mei ku 2 dia te ku djasabra 30 di mei pa 10’or di anochi.
Kompanianan ku tin pregunta tokante e medida òf ku a apliká pa bini na remarke pa e supsidio di salario luna pasá, pero no a risibí un invitashon pa entregá un petishon nobo, por tuma kontakto ku e helpdesk pa medio di now@fondodisosten.org.
