Anunsionan importante tokante prekario karnaval 2026
Publiká riba
04 Desèmber 2025
Willemstad – Tim di Prekario pa Karnaval 2026 ta anunsiá puntonan importante:
– Ta stimulá tur kliente pa registrá di forma online. Tim di Prekario lo regalá e di 500 kliente, i e di 1000 kliente un premio
– Riba kada djabièrnè benidero, esta dia 5, 12 i 19 di desèmber, tur kliente ku a registrá online, paga, i manda komprobante di pago via di email, por pasa tuma nan pèrmit na Plasa Horacio Hoyer 19
– Tim di Prekario ta parselá e área dilanti Santana na Roodeweg, esta na e entrada di kolon na áltura di shefaku te na edifisio di malboro. Tur persona ku normalmente ta para na e sitio aki, sea asina bon di tuma kontakto ku Tim di Prekario mas pronto ku ta posibel.
Tim di Prekario su ofisina na Plasa Horacio Hoyer 19 ta habri di 8.00am pa 11.30am i di 2.00pm pa 4.00pm. Riba djabièrnè 19 di desèmber, ofisina lo sera pa 11.30am i lo no habri parti mèrdia. Tambe ta aksesibel via di email na info.rop@gobiernu.cw i/òf na e number di whatsapp.
