Publiká riba 28 Ougùstùs 2025
Willemstad – Outoridat di Aviashon Sivil di Kòrsou ta hasi un apelashon serio na tur usuario di ‘drone’ pa no bula ‘drone’ den área di Parasasa, pa mas eksakto riba edifisio nan di World Trade Center (WTC), Clarion Hotel i sigur no riba e área di presentashon di e artistanan durante e aktividat di Curaçao North Sea Jazz 2025 riba dianan 28, 29 i 30 di ougùstùs 2025.
E motibu di e medida aki ta pa garantisá seguridat di tur persona ku lo bishita e aktividat aki mirando ku lo tin basta artista konosí ku lo presentá. Un drone por eksperensiá un mal funshonamentu i kai den públiko. Ta antisipá un kantidat grandi di persona ku lo bishitá e aktividat i e peliger t’ei ku si pa un òf otro motibu e drone kai e por kousa daño na hende i material.
Gobièrnu a designá un zona ofisial di prohibishon di buelo (no-fly-zone) riba WTC.
E zona aki tin un radio di 1.5 km rònt di WTC i un altura máksimo di 2.500 pia (750 meter).
Tur esaki ta pa garantisá seguridat durante e gran evento di Curaçao North Sea Jazz 2025.
