Publiká riba 05 Yüni 2025
Willemstad – Outoridat di Aviashon Sivil di Kòrsou ta hasi un apelashon serio na tur usuario di drones pa no bula ku drone den área di Stadion Ergilio Hato (Brievengat), durante e aktividatnan di weganan di futbòl eliminatorio pa mundial di FIFA riba dianan 5, 6, 9 i 10 di Yüni 2025.
Ta pidi pa no bula ku drones entre 12’or di mèrdia pa 12’or di anochi. E motibu di e medida aki ta garantisá seguridat di tur persona ku lo bishitá e aktividat nan aki i tambe e atletanan di weganan di futbòl, entre selekshonnannan nashonal di Curaçao i St. Lucia. Ta antisipá ku tin un kantidat grandi di persona ta bishita e aktividatnan i tin peliger ku si pa un òf otro motibu e drone funshoná malu i kai den stadion, kual por kousa daño seriamente na hende i material.
Tur esaki ta pa garantisá seguridat durante e gran weganan eliminatorio pa mundial di
FIFA.
