Publiká riba 22 Mei 2024
Durante di e atardi señores dr. Mane Paulpillai (presidente di Hunta di Direktiva di RGU), dr. Sameer Suhail (kansier di e Hunta di Direktiva), dr. Sam Suhail (dekano klíniko di e Hunta di Direktiva), sr. Joseph Hylak Reinholyz (konsehero legal) tur a hiba palabra i a indiká ku nan ta sumamente kontentu ku e apertura i kooperashon di Gobièrnu. Ministernan Van Heydoorn i Silvania tambe a hiba palabra i a indiká ku Kòrsou sigur komo pais ta sigui traha ku institutonan profeshonal pa enseñansa i salubridat huntu riba un nivel i standart haltu. E logro akí ta otro momento históriko pa motibu ku establesimentu di e organisashon akí na nos pais ta trese vários benefisio. Un di e benefisionan ta ku ta bai atraé mas studiante internashonal pa bin studia aki ku tin komo konsekuensia ku e parti ekonómiko–turístiko ta engrandesé. A la bes e impakto di un universidat den e área di medisina ta multifasétiko, komo ku esaki ta krusial pa salubridat riba nos pais. Nos por forma enfermero- i dòkternan na un universidat internashonal riba nos propio pais. Tambe esaki por kanalisá e desaroyo di nos infrastruktura lokal, kaminda nos ta bai tin edukadónan di salubridat ku ta bin aki i engrandesé e diversidat ku ta un otro eksperensia i perspektiva.
Por mira bèk riba un aktividat i apertura ku ta krea perspektiva nobo pa nos pais i Minister di ESKD ta sumamente kontentu ku esaki. Pasobra asina aki ta sigui krea oportunidat pa nos pais den e área di enseñansa ku bista riba nos futuro generashonnan.
—
KOMUNIKASHON
Pa mas potrèt bishitá: Apertura RGU
