Publiká riba 03 Yüli 2025
Willemstad – Ministerio di Enseñansa, Siensia, Kultura i Deporte i Ministerio di Gobernashon, Planifikashon i Servisio Públiko (BPD) i Ministerio di Tráfiko, Transporte i Planifikashon urbano (VVRP) a traha huntu pa trese e fasilidat pa por hasi petishon pa transporte eskolar 2025-2026 ‘Online’.
Entrante dia 3 di yüli e 3 ministerionan aki konhuntamente ta lansa e sistema ‘Online’ (e-CuraCase) pa hobennan ku no tin e fasilidat di transporte pa yega skol. Pa dekadanan e ministerio di Enseñansa Siensia,Kultura i Deporte ta suministrá alumnonan transporte eskolar pa alumnonan ku no por alkansá skol pa falta di transporte. E situashon ei a kambia awor. For di 3 di yüli mayor, voogd òf instituto no mester akudí mas na Vergunningenloket pero por hasi e aplikashon tambe ku nan medio digital. Esta sintá na kas òf den nan komfortabilidat kaminda nan ku nan kòmpiuter òf telefòn selular.
Pa apliká pa e transporte eskolar por wak tur e rekesitonan ku ta nesesario pa por bini na remarke riba e website di gobièrnu. E pagina digital ta: https//loketdigital.gobiernu.cw, alabes Lokèt di Pèrmit ta lansa un video ku ta mustra kon pa traha ku e programa. Tambe via di nos Facebook di Lokèt di Pèrmit por haña informashon. Den kaso ku bo ke hasi petishon tòg serka un persona, Lokèt di Pèrmit ta habri pa risibí bo den nan orario di ofisina ku ta di djaluna pa djaweps di 8 or pa 3 or i djabièrnè di 8 or pa 12 or, alabes ke informá ku lo ta bai habri djasabra 26 di yüli i e djasabranan 9, 16 i 23 di ougùstùs 2025. Esaki solamenta pa petishon pa transporte eskolar 2025-2026.
Pa mas informashon por yama na nos Call Center: 433 3123 i tambe por Whatsapp nos na: 433 3127.
