Notisia

Willemstad – Archivo Nashonal di ministerio di Maneho di Gobernashon, Planifikashon i Servisio Públiko ta partisipá ku dianan 11 te ku 13 di mart próksimo e lo ta será pa su klientenan. Riba e dianan menshoná aki Archivo Nashonal di Kòrsou tin un tarea importante relashoná ku e konferensia di “Emergency Response hub”.

Komo parti di e sektor Karibense di e Konseho Internashonal di Archivonan (Caribbean Branch of the International Council on Archives), Archivo Nashonal di Kòrsou lo tin tarea di sostén na e konferensia ekstaordinario aki. E tópiko lo ta riba lansamentu di e “emergency response hub” kultural regional. E konferensia mes lo tuma lugá na Museo Marítimo i Villa Maria, dianan 11 te ku 13 di mart 2024. E aña aki lo elaborá riba “Strengthening Heritage Protection In The Caribbean”.
Nos ke pidi diskulpa pa e inkumbiniensia ku esaki por trese.

MAS NOTISIA

Ministerio konserní: Maneho di Gobernashon, Planifikashon i Servisio Públiko