Publiká riba 22 Yüli 2025
WILLEMSTAD – Inspekshon Ekonómiko di Ministerio di Desaroyo Ekonómiko últimamente a konstatá ku tin diferente establesimentu ku no ta mantené nan mes na e preis di webu di galiña stipulá dor di Gobièrnu. Webu di galiña (e asina yamá webu di ‘legbatterij’) ta un produkto ku ta disponé di e siguiente preisnan máksimo:
| WEBU DI GALIÑA | ||
| PRODUKTO | PREIS POR MAYOR | PREIS POR MENOR |
| Riba plato di 30 pida | XCG 15,00 | XCG 15,90 |
| Den kaha di 18 pida | XCG 9,00 | XCG 9,54 |
| Den kaha di 12 stuks pida | XCG 6,00 | XCG 6,36 |
| Den kaha di 6 pida | XCG 3,00 | XCG 3,18 |
| Pa pida | XCG 0,50 | XCG 0,53 |
Hefe di Inspekshon Ekonómiko, sr. Ronny Cornelis, na nòmber di Minister di Desaroyo Ekonómiko, sr. drs. Roderick Middelhof, ta manda un atvertensia rigoroso pa tur establesimentu ku ta violá preis di webu di galiña stipulá dor di gobièrnu. Esaki por tin komo konsekuensia ku ta sera bo establesimentu temporalmente.
Inspekshon Ekonómiko ta hasi un apelashon riba komunidat pa denunsiá tur establesimentu ku ta violá preis di webu stipulá dor di Gobièrnu via di e number di WhatsApp di Inspekshon Ekonómiko +599 9 562 1444.
Inspekshon Ekonómiko lo aktua di un manera rígido riba tur ku no ta kumpli ku lei.
