E Beka di Reino ta un programa di mobilidat pa studiantenan di MBO/SBO nivel 3 i 4, HBO i WO den Reino i ta netamente diseñá pa por hasi posibel e interkambio di studiante pa un tempu kòrtiku. E beka tambe ta un di e métodonan pa yuda sostené e karera estudiantil di e hóbennan karibense. Un interkambio di estudio òf stazje den eksterior no solamente ta enrikesé e karera profeshonal di un studiante, pero tambe e ta ofresé e studiante karibense e oportunidat pa, ku yudansa finansiero, eksperensiá i wak si un estudio den Reino lo ta algu ku e lo ambishoná. Pa medio di e Beka di Reino e studiante por eksperensiá entre otro 6 luna di interkambio internashonal siguiendo materianan na otro instituto akadémiko na por ehèmpel Hulanda òf hasi un periodo di stazje na Aruba. Tur esaki ku e meta pa evitá dròpout i desapunto na momento ku e studiante skohe pa hasi un estudio kompletu den eksterior.
Durante e aña eskolar 2023-2024 un total di 20 studiante di Aruba i Kòrsou por a hasi uso kaba di e Beka di Reino mediante un proyekto piloto. E siguiente buèlta di aplikashon pa e Beka di Reino ta kuminsá dia 1 sèptèmber próksimo i lo terminá dia 14 di òktober 2024. Studiantenan ku apliká pa e siguiente buèlta lo por bin na remarke pa un Beka di Reino pa nan hasi un stazje òf interkambio kuminsando 1 di febrüari 2025.
Pa mas informashon por chèk/konsultá nos website: https://www.rijksdienstcn.com/onderwijs-cultuur-kennis/koninkrijksbeurs òf lo por tuma kontakto ku nos via di koninkrijksbeurs@rijksdienstcn.com.
Riba e potrèt athunto por tuma nota di presentashon di e studiantenan. Pa mas potrèt por bIshitá aki: Beka di Reino
