Publiká riba 16 Òktober 2017
Willemstad – Minister Zita Jesus – Leito i Servisio pa Obra Públiko (OW) ta invitá pueblo di Banda Abou na entrega ofisial di e trabounan di mantenshon. E entrega ofishal ta tuma lugá djamars 17 di òktober 2017 pa 6or di atardi na e palapa dilanti di e parke Sint Christoffel.
Minister Zita Jesus-Leito ta spera di por risibí pueblo di Banda Abou pa por interkambiá di idea i tambe pasa un ratu ameno den e ambiente di Banda Abou su naturalesa.
Pa kualke pregunta tokante e proyekto por tuma kontakto ku Obra Públiko via e number 433-4237, Whats app +5999511-8582 òf via di e-mail info.vvrp@gobiernu.cw.
