Personal di e skol huntu ku alumnonan a risibí minister for di na porta den un ambiente di héroe ku tin poder nan sobrenatural. E mainta a keda habrí ku un bunita orashon i kanto di himno. E tema sentral na e skol ku a kumpli 25 aña ta: Super Héroe. Por a mira logo di superman riba paña di e maestronan i tambe e alumnonan nan a bisti disfras di e héroenan manera; spider-man, superman, wonder woman, i hopi mas. E maestronan a prepará huntu ku e alumno diferente bunita presentashonnan kaminda nan a kanta.
Despues di e bunita presentashonnan maestronan a bisti minister su mantel di super minister di un forma ofisial. Den un ambiente ameno i gradisí minister a yama maestronan danki pa nan esfuerso i aporte na nos enseñansa. Na mes momentu minister a deseá tur alumno hopi éksito ku e aña eskolar nobo.
Despues di e parti ofisial minister i su delegashon a haña un rekorido i pasa den algun lokal, kompañá pa representashon di Direktiva di skolnan katóliko i e delegashon di minister.
Ministerio di ESKD por mira bèk riba un bishita eksitoso i ta sumamente kontentu ku nos ta sigui kana riba e kaminda di mehorashon di nos enseñansa konforme e “Programa di Mehorashon di Enseñansa”.
—
KOMUNIKASHON
