Notisia

Willemstad – Ofisina Sentral di Statistík (CBS) ta alertá públiko di mensahenan ku ta wὸrdu mandá via di Whatsapp kaminda habitantenan ta atverti otro di algun persona ku ta presentá nan mes komo empleado di CBS (enkuestadό). Segun e informashon ku ta bai rὸnt, e personanan aki ta bai di kas pa kas i ta bisa ku nan ta partisipá na un senso òf otro tipo di enkuesta.

CBS ke enfatisá ku aktualmente tin enkuestadόnan ta kolektá informashon den kuadro di Enkuesta Sosial 2025.

Pa kada investigashon ofisial, trahadónan di CBS semper tin ku identifiká nan mes ku un badge ofisial ku nan nὸmber i portrèt, ku firma di e direktor di CBS. E enkuestadό generalmente ta disponè di un chaleko ὸf otro dokumento ku logo di CBS.

Ta importante pa keda alerta:

• No duna ningun informashon personal na hende ku ta bisa ku nan ta di CBS sin por mustra legitimashon.
• Pidi semper e badge di CBS, si un persona bisa ku e ta hasi enkuesta pa CBS. Riba e badge tin un QR-code ku por skèn pa verifiká e enkuestadό su identidat.
• Den kaso ku bo tin duda, tuma kontakto ku CBS. Por yamá 7241802 ὸf whatsapp na e number di CBS 5202227 pa verifiká identidat di e empleado.

CBS ta rekordá komunidat di Kòrsou ku partisipashon na enkuestanan ofisial di CBS ta obligatorio segun lei. Pa e motibu aki, ta importante pa rekonosé kua enkuesta ta berdaderamente di CBS pa evitá abuzu òf konfushon.

MAS NOTISIA

Ministerio konserní: Maneho di Gobernashon, Planifikashon i Servisio Públiko