Notisia

WILLEMSTAD — E Kumbre Internashonal di Invershon di Kòrsou (CIIS) a kuminsá ayera ku un seshon preliminar robusto. Kònsùlnan General Pablo Antonio Rebolledo di Colombia, Zhang Kaibin di China, Ramón “Chico” Negrón di Merka, i Carl Saint Remy di Haiti tabata enbolbí den un diálogo moderá pa Gwido Jansen, kolaboradó di maneho na Ministerio di Desaroyo Ekonómiko, riba oportunidatnan nobo pa koperashon ekonómiko ku Kòrsou.

E konferensia a wòrdu habrí pa Miles Mercera, CEO di CINEX, siguí pa un diskurso prinsipal inspirativo di Vanessa Toré, Direktor di Sektor di Koperashon Ekonómiko Eksterior na MEO. Sra. Toré a enfatisá riba e resiliensia históriko di Kòrsou, su lokalidat stratégiko i e momentum ekonómiko aktual, i a hasi un yamada na partnernan internashonal pa djòin e “Ola Blou”—e ambishon di Kòrsou pa desaroyá den un ekonomia impulsá pa inovashon i orientá riba eksportashon.

E diskushon di panel a delineá e posishon di Kòrsou komo sentro logístiko, digital, i diplomátiko, ku tópikonan ku ta varia di komersio i sektor marítimo te na turismo, energia, interkambionan edukashonal, i oportunidatnan di eksportashon den futuro.

4 di desèmber: Resepshon i Apertura Ofisial di InvestInWillemstad 2025
Dia 4 di desèmber 2025, CIIS lo konkluí ku un “networking borrel” den sentro di siudat, ku tambe lo marka e apertura ofisial di e di 6 edishon di InvestInWillemstad. E resepshon akí lo tuma lugá na Gouvernementsplein (Plasa di Gobièrnu) komo parti di Willemstad, Dia di UNESCO, ku a bira un tradishon anual stimá.

5 di desèmber: InvestInWillemstad 2025 — un futuro sostenibel i inovativo pa nos sentro di siudat.
Dia 5 di desèmber 2025, ofisialnan di Gobièrnu, ekspertonan di sentro di siudat, empresarionan i invershonistanan lo reuní pa InvestInWillemstad 2025. E edishon akí ta marka un paso importante den desaroyo di Willemstad komo un ESG Living City Lab — un sentro di siudat sostenibel, inovativo i habitabel.

Un anunsio nobo signifikante lo wòrdu hasí durante e evento ku lo fortalesé e direkshon ekonómiko di nos sentro di siudat permanentemente.

E programa ta inkluí:

• Apertura pa representantenan di ministerionan MEO & VVRP, city manager Hans van Aalst i fundadó di Invest In Willemsatd” Rob van der Bergh;
• Panel: ESG Siudatnan di Futuro;
• Sectorpanels: tokante ekonomia marítimo, herensia, bienestar i deporte, digitalisashon, Smart mobility, i eksperensia urbano;
• Lansamentu di InvestInWillemstad Facilitation Office;
• Presentashon di e Innovation Hub ku su lokalidat designá na Villa Maria, un kolaborashon entre CINEX, MEO i CITI.
• Pitchnan di Invershon, ku ta mustra vários proyekto den sentro di siudat.

Willemstad komo un “City Living Lab”
Ku InvestInWillemstad 2025, Kòrsou ta tumando un paso signifikante pa un sentro di siudat ku ta sostenibel, ekonómikamente diverso, inovativo, i ku ta prueba di futuro. E kombinashon di herensia, digitalisashon, forsa marítimo, i empresario kreativo ta hasi Willemstad úniko den e region.

Inskripshon ta posibel na un tarifa lokal spesial di $100 (inkl. resepshon dia 4 di desèmber + almuerso):

https://www.curacaoinvestmentsummit.com/delegate-registration/delegate-booking

“Pa tur hende ku ta stima Kòrsou: esaki ta e momentu pa huntu konstruí e futuro di nos sentro di siudat di UNESCO.”

Di robes pa drechi: e Kònsùlnan General di Colombia – Sr. Pablo Antonio Rebolledo, di China – Sr. Zhang Kaibin, di Merka – Sr. Ramón “Chico” Negrón, i di Haiti – Sr. Carl Saint Remy.

Sala/publiko ku Sra. Toré presentando.

MAS NOTISIA

Ministerio konserní: Asuntunan General i Promé Minister