Publiká riba 20 Mart 2024
Curaçao Experience Ambassador Edition a reforsá e posishon di Kòrsou riba e mapa mundial, ku mas di 25 pais representá durante e konferensia. Durante e dianan di 18 te ku 20 di mart aki, e partisipantenan a traha huntu intensivamente pa eksplorá i eksplotá oportunidatnan pa por realisá mas koperashon. E embahadónan ta regresá nan pais ku interés pa siguí reforsá e relashon ku gobièrnu di Kòrsou i eksplotá oportunidatnan komersial ku lo benefisia nos tur.
Di 18 pa 20 di mart e embahadónan a traha intensivamente huntu
Tabata un siman inolvidabel pa tur e partisipantenan. Nan a partisipá den diferente presentashon i a bishitá diferente instansia i lugánan na Kòrsou.
E evento úniko aki a tuma lugá pa promé biaha riba nos isla. Esaki ta hasi e evento unu históriko. Inisiadó Minister Plenipotensiario Carlson Manuel i Minister-President Gilmar Pisas ta kontentu ku e éksito imenso di e evento aki. E la superá ekspektashon.
