Publiká riba 12 Yüni 2024
WILLEMSTAD – Un delegashon di Fondo Monetario Internashonal (IMF) ta aktualmente na Kòrsou den kuadro di Artíkulo di konsultashon IV. Durante di nan estadia lo papia ku vários stakeholder tokante desaroyonan lokal pa ku esaki.
Awe, 12 di yüni 2024, IMF a tene un éksitoso “courtesy meeting” ku Konseho di Minister. Durante e reunion akí a kompartí impreshonnan di e tim di IMF i nan rekomendashonnan prinsipál riba tereno di maneho.
E bishita di e delegashon di IMF i e diskushonnan habrí i konstruktivo ku a tuma lugá ku Konseho di Minister, ta enfatisá importansia di kolaborashon entre Kòrsou i IMF pa promové stabilidat i kresementu ekonómiko pa nos isla.
